Færslur: 2014 Apríl

04.04.2014 22:13

 

Sundráð ÍRB og sunddeild Nes undirrituðu í Vatnaveröld í dag samstarfssamning milli félaganna.  Samstarfið felur í sér að Sundráð ÍRB opnar leið fyrir bestu sundmenn innan Nes sem stefna á afreksþjálfun til að færa sig hægt og rólega yfir í að æfa með ÍRB úr því að æfa eingöngu með Nes.  Og Nes opnar leið fyrir einstaklinga innan Sundráðs ÍRB sem þurfa á sértækri  þjálfun að halda, sem hægt væri að fá innan Nes.  Þjálfarar og stjórnarmenn í báðum félögum munu einnig deila þekkingu og mannafla á báða bóga þegar því verður við komið og það á við.  Á myndinni eru formenn félaganna Sigurbjörg Róbertsdóttir og Guðmundur Sigurðsson að handsala samninginn.

04.04.2014 22:06

 

Í dag hjá 88-Húsinu í Reykjanesbæ var vígð fyrsta hjólastólarólan á Íslandi.  Það var Íþrótta- og tómstundaráð Reykjanesbæjar sem átti veg og vanda að uppsetningunni og kann Nes þeim bestu þakkir fyrir.  Það var Ástvaldur Ragnar Bjarnason sem átti fyrstu salíbununa í nýju rólunni.

04.04.2014 07:58

Vatnaveröld 4.apríl kl 16:30

Alltaf nóg að gera hjá NES.

 

 

Í dag föstudaginn 4.apríl verður skrifað undir samstarfssamning á milli NES og Sundráðs ÍRB í Reykjanesbæ. Þetta er samningur um þjálfun á milli íþróttafélaga. Skrifa á undir samninginn kl 16:30 í Vatnaveröld. Allir hvattir til að mæta með sundföt og skella sér í laugina á meðan skrifað verður undir.

kv stjórn NES.

03.04.2014 16:22

Sumarbúðir ÍF á Laugarvatni 2014

 

Nes vegkur athygli á því að á heimasíðu Íþróttasambands fatlaðra ifsport.is er kominn bæklingur vegna Sumarbúða ÍF á Laugarvatni 2014. Nesarar eru eindregið kvattir til að kynna sér þetta á heimasíðu ifsport.is.

03.04.2014 10:40

Ný hjólastólaróla hjá 88 Húsinu.

Kæru NESARAR. 

Á morgun föstudaginn 4.apríl á að vígja Hjólastólarólu hjá 88 Húsinu í Reykjanesbæ kl 14:00.
Allir Nesarar eru hvattir til að mæta og taka þá í þeirri skemmtun :)
Við munum auðvitað eiga okkar fulltrúa í þessu skemmtilega verkefni :)
Boðið verður upp á pylsur og góðgæti eftir vígsluna.
Hlökkum til að sjá sem flesta.

kv Stjórn NES.

  • 1
Flettingar í dag: 32
Gestir í dag: 13
Flettingar í gær: 92
Gestir í gær: 26
Samtals flettingar: 258117
Samtals gestir: 58454
Tölur uppfærðar: 12.12.2017 06:29:21